Preparatning savdo nomi: Polijinaks® Virgo

Dori shakli: intravaginal yuborish uchun emulsiya kapsulalarda

Tarkibi:

1 kapsula quyidagilarni saqlaydi:

Faol moddalar: 

Neomitsin sulfati                               35 000 XB

Polimiksin V sulfati   3                       35 000 XB

Nistatin                                              100 000 XB

Yordamchi moddalar: gidrogenlangan soya moyi, dimetikon 1000, tefoz 63®: palmitin kislotasi efirlari va stearin kislotasi efirlari.

Kapsula qobig’ining tarkibi: jelatin, glitserol, dimetikon 1000, tozalangan suv.

Ta’rifi: och-sariqdan och jigarrang ranggacha bo’lgan, oval shaklli o’tkir uchli yumshoq kapsulalar. Kapsula tarkibi: och-sariqdan och jigarrang ranggacha bo’lgan moyli emulsiya.

Farmakoterapevtik guruhi: ginekologik kasalliklarni davolash uchun boshqa antiseptiklar va mikroblarga qarshi preparatlar

ATX kodi: G01AX

Farmakologik xususiyatlari

Farmakodinamikasi

Grammusbat (Staphylococus aureus, korinebakteriyalar va boshqalar) va grammanfiy mikroorganizmlarga (Enterococus faecium, Enterobacter aerogenes, Escherichia coli, Haemophilus influenzae, Proteus vulgaris, Klebsiella pneumoniae, Mycobacterium tuberculosis, Pseudomonas aeruginosa, Ureaplasma urealyticum) bakteritsid ta’sir ko’rsatadi.

Patogen zamburug’larga, ayniqsa achitqisimon — Candida albicans, Cryptococcus, Hystoplasma turi zamburug’lariga fungitsid ta’sirga ega. Qin shilliq qavatining trofik jarayonlarini yaxshilaydi.

Farmakokinetikasi

Qin shilliq qavatiga tekis taqsimlanib, mahalliy bakteritsid va fungitsid ta’sir ko’rsatadi. Qin shilliq qavati yuzasidan deyarli so’rilmaydi.

Qo’llanilishi

Davolash.

— nospetsifik, zamburug’li, aralash vaginitlar, vulvovginitlar va tservikovaginitlarda qo’llaniladi.

Oldini olish uchun.

— jinsiy a’zolar sohasidagi jarrohlik aralashuvi oldidan;

— bachadon ichki diagnostika muolajasi oldidan qo’llaniladi.

Qo’llash usuli va dozalari

Qin ichiga yuborish uchun buyuriladi. Bir kapsuladan kechki hojatdan keyin, uyqu oldidan buyuriladi. Kapsulaning o’tkir uchi kesiladi va uni sekin siqib kapusulaning ichidagisini qinga yuboriladi. Dori preparati qinga yuborilganidan keyin, kapsulani chiqindilarga qo’shib tashlab yuboriladi. Davolash kursi 6 kunni tashkil etadi. Oldini olish maqsadida preparat 6 kun davomida qo’llaniladi. Preparatni qabul qilish o’tkazib yuborilganida, davolashni odatdagi dozada qaytadan boshlash kerak.

Nojo’ya ta’sirlari

Preparatning komponentlariga allergik reaktsiya. Uzoq vaqt qo’llanilganida, buyrak yetishmovchiligida aminoglikozidlarning tizimli nojo’ya ta’sirlarni namoyon bo’lishi kuchayib boradi.

Qo’llash mumkin bo’lmagan holatlar

Preparatning har qanday komponentiga allergik reaksiyada qo’llash mumkin emas.

Dorilarning o’zaro ta’siri

Spermitsidlar bilan birga qo’llash tavsiya etilmaydi, chunki preparatning faolligi pasayishi mumkin.

Maxsus ko’rsatmalar

Preparat qiz bolalar va o’smir qizlarda qo’llash uchun maxsus ishlab chiqarilgan. Reinfeksiya xavfi va kasalliklarning ayrim qo’zg’atuvchilarini unga chidamliligini shakllanishini oldini olish maqsadida, preparatni qo’llash muddati chegaralangan bo’lishi kerak.

Buyrak yetishmovchiligi hollarida maslahat olish uchun shifokorga murojaat qiling. Davolash vaqtida qin ichiga tamponlarni qo’llashdan saqlanish kerak. Hayz ko’rish vaqtida davolashni to’xtatmaslik kerak.

Homiladorlik va laktatsiya davrida qo’llanishi

Homiladorlik vaqtida shifokor maslahatisiz qo’llash tavsiya etilmaydi. Agar davolanish vaqtida Siz homilador ekanligingizni sezsangiz, shifokorga murojaat qiling, chunki faqat u davolashni davom ettirish kerakligi haqida qaror qabul qilishi mumkin. Emizish davrida preparatni qo’llashdan saqlanish kerak.

Dozani oshirib yuborilishi

Tavsiya etilgan dozalarda qo’llanganda, dozani oshirib yuborishining ehtimoli kam.

Chiqarilish shakli

Intravaginal yuborish uchun emulsiya, kapsulalarda. 3 kapsula PVX/alyumin blisterda. 1 yoki 2 blister tibbiyotda qo’llanilishiga doir yo’riqnomasi bilan birga karton qutida.

Saqlash sharoiti

15^oC dan 25^oC gacha bo’lgan haroratda, bolalar ololmaydigan joyda saqlansin.  

YAroqlilik muddati

2 yil.

O’ramida ko’satilgan yaroqlilik muddati o’tgach qo’llanilmasin.

Dorixonalardan berish tartibi

Retsept bo’yicha.

Ro’yxatdan o’tkazilganlik guvohnomasinig egasi

Laboratoriya Innotek Internasional

22, avenyu Aristid Brian, 94110 Arkey, Fransiya

Ishlab chiqaruvchi

Innotera Shuzi

Ryu Rene Shantero Shuzi-syur-Sis, Valuar-syur-Sis, 41150, Fransiya

Uzbekiston Respublikasi xududida dori vositalarining sifati bo’yicha e’tirozlar (takliflar) ni qabul qiluvchi tashkilot nomi va manzili:

“Laboratoriya Innotek Internasional” Uzbekistondagi vakolatxonasi

Yuridik manzili: Toshkent, Fidokor ko’chasi 7A.

Tel.: 140-43-40, 140-43-41.

E-mail: uz.innotech@sks.uz