Preparatning savdo nomi: Gelmintoks

Ta’sir etuvchi modda (XPN): Pirantel

Dori shakli: plyonka qobiq bilan qoplangan tabletkalar

Tarkibi:                                                                    

1 tabletka quyidagilarni saqlaydi:

faol modda:

Pirantel embonati                                                                  360,5 mg                    721,0  mg

(pirantelga qayta hisoblanganda)                                          (125,0 mg)                  (250,0 mg)

yordamchi moddalar:

O’ta jelatinlangan makkajo’xori kraxmali                            34,00 mg                    68,00  mg

Natriy karboksimetilkraxmali                                               18,50 mg                    31,50  mg    

Magniy stearati                                                                      7,00   mg                    14,50  mg

Plyonka qobiqning tarkibi:

Sepifilm^TM 002 (gipromelloza,                                             12,50 mg                    28,20 mg

mikrokristall sellyuloza,

makrogola 400 stearati)                    

Sepispers^TM AR3065 sariq (propilenglikol,                          7,50  mg                     16,80 mg

titan dioksidi (E171), sariq “shafaq”

bo’yovchisi (E110), gipromelloza, suv)

Talk                                                                                        0,10 mg                      0,20 mg       

Ta’rifi: uzunchoq, sarg’ish-zarg’aldoq rangli, bir tomonida riskasi bo’lgan, plyonka qobiq bilan qoplangan tabletkalar. Ko’ndalang kesimida limon-sariq rangli yadrosi mavjud.

Farmakoterapevtik guruxi: Antigelmint preparatlari. Tetragidropirimidin hosilalari. Pirantel

ATX kodi: Р02СС01

Farmakologik xususiyatlari

Farmakokinetikasi

Me’da-ichak yo’llaridan deyarli so’rilmaydi. Tana vazniga 12,5 mg/kg bo’lgan bir martalik dozani qabul qilingandan keyin qon plazmasida pirantelning konsentratsiyasi 1-3 soat davomida 0,05-0,13 mkg/ml ni tashkil qiladi. Jigarda N-metil-1,3-propadiamingacha qisman metabolizmga uchraydi. Ichak orqali chiqarilishi – taxminan 93 % o’zgarmagan holda, 7% — buyraklar orqali o’zgarmagan holda metabolitlar ko’rinishida chiqariladi.

Farmakodinamikasi

Gelmintlarga gelmintlarga qarshi preparat, unga sezgir bo’lgan gelmintlarda nerv-mushak blokadasini chaqiradi va shikastlangan gelmintlarni qo’zg’alishsiz va migratsiyasini rag’batlantirmasdan, ularni ichakdan haydab chiqarilishini ta’minlaydi. Ichak bo’shlig’ida preparatga sezgir bo’lgan yetilgan va yetilmagan ikkala jinsga mansub gelmintlarga qarshi faol. Ostritsalar (Enterobius vermicularis), askaridalar (Ascaris lumbricoides), ankilostomalar (Ankylostoma duodenale va Necator americanus) chaqirgan invaziyalarda yuqori samarali.

Qo’llanilishi

Askaridoz, enterobioz (ostritsalarni yuqishi), ankilostomidozda qo’llaniladi.

Qo’llash usuli va dozalari

Ichga qabul qilish uchun.

Tabletkalar kattalar va 6 yoshdan katta bolalar uchun mo’ljallangan.

Gelmintoksni sutkaning har qanday vaqtida, oldindan surgi vositalarni qabul qilmasdan qo’llash mumkin, nahorga qabul qilish shart emas.

Ostritsalar va askaridalar:

Enterobioz va askaridozni davolash uchun preparatni bir marta tavsiya qilingan dozada buyuriladi:

Odatdagi dozalash – tana vazniga 12,5 mg/kg bir marta, ya’ni:

— 6 yoshdan katta bolalar: 10 kg tana vazniga 125 mg li 1 tabletka, bir marta;

— tana vazni 75 kg dan kam bo’lgan kattalarga: 250 mg dan 3 tabletka, bir marta;

— tana vazni 75 kg dan ortiq bo’lgan kattalarga: 250 mg dan 4 tabletka, bir marta;

Qayta yuqishini oldini olish uchun, preparat qabul qilishni 3 xaftadan keyin takrorlash tavsiya qilinadi.

Ankilostomalar:

Endemik hududida, Necator americanus ni yuqishi hollarida yoki Ankylostoma duodenale ni og’ir darajali yuqishi hollarida dozalash ikki-uch kun davomida kuniga 25 mg/kg ni (bir yoki ikki qabulga) tashkil qiladi, ya’ni:

— bolalarga: 10 kg tana vazniga 250 mg har kuni

— tana vazni 75 kg dan kam bo’lgan kattalarga: kuniga 1,5 g

— tana vazni 75 kg dan ortiq bo’lgan kattalarga: kuniga 2 g

Endemiya hududidan tashqarida (yanada osonlashadi) Ankylostoma duodenale ni yuqishi hollarida bir marta qabul qilishga 12,5 mg/kg dozada buyuriladi.

Nojo’ya ta’sirlari

Me’da-ichak yo’llari tomonidan ko’ngil aynishi, qusish, qorinda og’riq, diareya va ishtahani yo’qolishi (ko’pincha bu simptomlar gelmintlarni nobud bo’lishi bilan bog’liq) kam qayd qilinadi;

Allergik reaksiyalar – qichishish, eshakemi, ekzantema.

“Jigar” transaminazalarining faolligini biroz qisqa muddatli oshishi;

Bosh og’rig’i, bosh aylanishi, charchoqlik hissi, uyquchanlik yoki uyqusizlik, eshitishni buzilishi, gallyutsinatsiyalar, ongni xiralashishi, parasteziyalar, gipertermiya.

Agar yo’riqnomada ko’rsatilgan nojo’ya samaralarning birontasi og’irlashsa, yoki Siz yo’riqnomada ko’rsatilmagan har qanday boshqa nojo’ya samaralarni sezsangiz, bu haqida shifokorga xabar bering.

Qo’llash mumkin bo’lmagan holatlar

Pirantel va preparatning boshqa komponentlariga yuqori sezuvchanlik; miasteniya; jigar yetishmovchiligi; emizish davri.

6 yoshgacha bo’lgan bolalarda qo’llash mumkin emas.

Homiladorlik va emizish

Homiladorlik vaqtida agar ona uchun kutilayotgan foyda, homila uchun potensial xavfdan ustun bo’lgan hollardagina ehtiyotkorlik bilan buyuriladi. Preparatni ona sutiga kirishi haqida ma’lumotlar yo’q, shuning uchun laktatsiya davrida preparatni buyurish zarurati bo’lsa, emizishni to’xtatish kerak.

Maxsus ko’rsatmalar

Gelmintoksni buyurishda maxsus tayyorgarlik va parhez talab qilinmaydi.

Jigar kasalliklari mavjud bo’lgan hollarda shifokorni ogohlantirish kerak. Har qanday boshqa gelmintlarga qarshi preparatlar kabi, Gelmintoksni buyurishdan oldin xonani sinchkovlik bilan tozalash, bolalar o’yinchoqlarini yuvish, uyqudan oldin va uyqudan keyin dush qabul qilish va ichki kiyimlarni almashtirishni yodda tutish kerak. Davolash kunlari va preparatni qabul qilgandan keyin bir necha kun davomida choyshablarni issiq dazmol bilan dazmollash maqsadga muvofiqdir.

Qayta yuqishdan saqlanish maqsadida gigiena qoidalariga qat’iy rioya qilish kerak: qo’llarni yuvish, tirnoqlarni kesish va tozalash, chot sohasi qichishga yo’l qo’ymaslik, choyshab va ichki kiyimlarni har kuni almashtirish kerak. Bir vaqtda oilaning hamma a’zolarini davolash tavsiya qilinadi. Yuqishi ko’pincha hech qanday belgilar bilan namoyon bo’lmasligi mumkin.

Davolash tugatilganidan keyin ahlatni gelmint tuxumlarini borligiga nazorat tekshirishlarini o’tkazish kerak.

Transport vositalarini va va boshqa mexanizmlarni boshqarish qobiliyatiga ta’siri

Preparatni transport vositalarini va boshqa mexanizmlarni boshqarish qobiliyatiga salbiy ta’siri haqida ma’lumotlar yo’q.

Dozani oshirib yuborilishi

Hatto dozani yaqqol oshirib yuborilishi jiddiy zaharlanish belgilarini chaqirmaydi. Spetsifik antidoti yo’q. Me’dani yuvish va shifokorga murojaat qilish tavsiya qilinadi.

Dorilarning o’zaro ta’siri

Levamizol, piperazinni bir vaqtda buyurish tavsiya qilinmaydi. Plazmada teofillinning konsentratsiyasini oshiradi.

Chiqarilish shakli  

Plyonka qobiq bilan qoplangan tabletkalar.

250 mg dan 3 tabletkalar yoki 125 mg dan 6 tabletka PVX/alyumin folga blisterda. Bitta blister tibbiyotda qo’llanilishiga doir yo’riqnomasi bilan birga karton qutida.

Saqlash sharoiti

25^oS dan yuqori bo’lmagan haroratda saqlansin.

Preparat bolalar ololmaydigan joyda saqlansin.

Yaroqlilik muddati

3 yil.

Yaroqlilik muddati o’tgach ishlatilmasin.

Dorixonalardan berish tartibi

Retsept bo’yicha.

Laboratoriya Innotek Internasional

22, Avenue Aristid Brian, 94110 Arkey, Fransiya

Ishlab chiqarilgan:

Innotera Shuzi

Ryu Rene Shantero, Shuzi-syur-sis,

Valuar-syur-sis, 41150, Frantsiya

Uzbekiston Respublikasi xududida dori vositasining sifatiga va shikoyat (taklif)ga javob beruvchi tashkilot nomi va manzili:

«laboratoriya Innotek Internasional» Uzbekistonda vakolatxonasi

yuridik manzili: Toshkent, Fidokor ko’chasi 7A. Tel: (78)140-43-40, 140-43-41

E-mail: uz.innotech@sks.uz